Qt

Qt 4.4

Испратено од А.Балаловски во 6 Мај, 2008 - 19:13.
::
Qt

Денес Trolltech го објави излегувањето на Qt 4.4. Многу важна верзија имајќи ги во предвид новитетите што таа ги носи, тргнувајќи од поддршката за WebKit, KDE Phonon системот, конкурентност и XQuery. Што сѐ е ново можете да прочитате овде, а преку ова видео можете да се запознаете поблиску со ова издание.

Наскоро се очекуваат бинарни пакети за популарните дистрибуции, дотогаш можете да го симнете изворниот код.
Белешки за изданието.

Nokia го купува Trolltech

Испратено од А.Балаловски во 28 Јануари, 2008 - 17:36.
::
Qt

Nokia и Trolltech најавија дека Trolltech ќе биде купен од Nokia. Trolltech исто така испрати отворено писмо до заедницата на KDE, преку кое се повикува целата заедница на брејнсторминг со идеи и предлози за зделката која е во процедура. Nokia порача дека ќе остане на курсот на Trolltech, ќе ја поддржува заедницата на слободен софтвер, а веројатно и ќе стане патрон на KDE, исто како што беше и Trolltech. Исто така Nokia останува на патот на Trolltech следејќи го двојно-лиценцниот модел што компанијата го применуваше и досега.

Сето ова може да значи голема поддршка за тулкитот кој се користи нашироко низ светот, дуплирање на апликациите кои се базирани на Qt и уште еднаш го покажува степенот на развој на бизнис моделите кои за основа го зеле слободниот софтвер.

Qt 4.2 - Технички преглед

Испратено од А.Балаловски во 5 Јули, 2006 - 17:16.
::
Qt

Qt 4.2 за технички преглед од идната серија на Qt 4.2.x фрејмворкот е достапна за корисниците, оние кои сакаат да видат што се ќе има во официјалната верзија 4.2, како и тестери и пријавувачи на грешки.

Целосен преглед на оваа верзија овде, дополнителни објаснувања овде.

Qt 4.1

Испратено од А.Балаловски во 21 Декември, 2005 - 12:43.
::
Qt
По претходната официјална верзија 4.0, Trolltech ја издаваат следната верзија од оваа серија, Qt 4.1. Доаѓа со низа подобрени функционалности и новитети меѓу кои добро познатиот механизам за извезување PDF датотеки сличен на КДЕ/Qt механизмот за печатење (веќе познат на корисниците на КДЕ), OpenGL поддршка и поддршка за Visual Studio .NET 2005 за Виндоус платформа.

Излезе Qt 3.3.5

Испратено од А.Балаловски во 12 Септември, 2005 - 18:39.
::
Qt
И покрај тоа што неодамна официјално беше издадена верзијата 4.0.х, Тролтек повторно вадат нова верзија од серијата 3.х, овојпат Qt 3.3.5. Верзии од оваа серија ќе излегуваат се додека не се пополнат пропустите и реши компатибилноста на апликациите и средините што користат Qt. Оваа нова верзија носи поддршка за GCC 4.x, за Mac OS X 10.4 како и за Вижуал Студио 2005.

Излезе „Qt 4.0“

Испратено од А.Балаловски во 30 Јуни, 2005 - 09:41.
::
Qt
„Qt 4.0“ е најновата стабилна верзија на овие библиотеки, овојпат издадени за сите платформи. Значи од оваа верзија па натаму ќе има слободна верзија на „Qt“ и за Виндоус. Има многу новитети, нови технологии и нови можности. Доколку сакате да развивате софтвер, стабилен, брз и функционален, „Qt 4.0“ ви нуди се што ви е потребно. Повеќе.

Што е ново кај Trolltech?

Испратено од dec0der во 9 Март, 2004 - 07:37.
::
Qt
Trolltech на 4ти Март го прослави својот 10ти роденден. Голем е успехот што го постигнаа нивните производи на полето на слободниот софтвер, а исто и причина за честитка од наша страна. Пред кратко време излезе Qt 3.3.1, а Volvo ги избра Trolltech, за нивните Embedded потреби.

Qt 3.3

Испратено од ufo во 10 Декември, 2003 - 05:11.
::
Qt
Trolltech ја објави новата верзија на Qt 3.3. Покрај многуте подобрувања оваа верзија e целосно прилагодлива за апликации на кои им е потребна верзијата 3.2.х. Qt 3.3 има поддршка за .NET, поддржува IPv6, и ја претставува новата класа QLocale. Повеќе информации овде.

RAD Програмирање со Qt Designer

Испратено од dec0der во 9 Ноември, 2003 - 19:38.
::
Qt
Qt Designer е RAD алатка за дизајнирање на форми и пишување на код. RAD принципите овозможуваат побрзо создавање на апликации со што се заштедува повеќе време. Еве уште еден корисен водич за изработка на апликации со Qt Designer.

Motorola гo избра Qt/Embeded

Испратено од dec0der во 7 Ноември, 2003 - 01:38.
::
Qt
Trolltech, водечката компанија што на свет ја донесе Qt визуелната средината, соопштува дека Motorola гo избрала нивниот производ Qt/Embeded како база за новиот Linux базиран „паметен телефон“. Повеќе овде.