2С.мк

На Сподели знаење #5 предавање ќе одржи Вејн Вота, директор на geekcorps.org. Темата е

International Careers in FOSS.

Човекот има големо меѓународно искуство работејќи на имплементирање на ИКT проекти од Либан до Мали, искуствата што ќе се обиде да ги пренесе опфаќааат аватури кои ги имале имплеметирајќи FLOSS решенија од Тимбакту во Мали, до искуството и предизвиците кои со себе ќе ги донесе развојот на OLCP проектот. Значи имаме еден доста харизматичен говорник, со доста динамичен стил кој се надевам ќе претставува предизвик да се погледне.

Ова е ретка прилика за сите нас, па се надеваме ќе има повеќе луѓе отколку што има на нашите вообичаени средби. Би сакал да замолам сите што имаат некакви контакти со заинтересирани луѓе да им испратат информација за ова со цел да имаме што е можно побројна публика.
Се надевам дека се ќе оди по планот и дека ќе имаме успешна средба на 23-ти во 20:00 часот.

Денес одлучивме да распишеме потерница (bounty) за тој кој ќе направи најдобар дизајн за Слободен софтвер Македонија. Важни информации:

Се бара дизајн направен во фотошоп или гимп, со сите нишани,
• Инфо детално за она што се бара има на http://bugs.softver.org.mk/task/94
• Наградата е 1000 денари,
• Рокот е до петок 12 јануари 2007 год. до 23 часот и 59 минути,
• На листа се испраќа URL од PNG/JPG/GIF верзија на дизајнот. Самата сличка да се закачи на некое друго место.
• Прашања и одговори се случуваат овде.

Правила:
• Секој може да се пријави со колку сака дизјани,
• По примерот на bounty-јата на ubuntu (и слични) Слободен софтвер Македонија го задржува правото да не одбере ниту еден од предложените/поднесените дизајни, или да одбере некој кој делумно ќе ги задоволува барањата и за тоа дизајнерот да добие дел од наградата.

Ако има заинтересирани бујрум.

Слободен софтвер Македонија на својот блог специјално посветен на настанот кој сега го објавувам, го најави отворањето на работилниците за слободен софтвер кои ќе се одржуваат на ФЕИТ под насловот Сподели знаење. Работилниците започнуваат на 28.11.2006 (вторник). Бидете таму!

Слободен софтвер Македонија во рамките на UNDP проектот Support to e-Governance initiatives based on Free/Open Source Software at the local level in FYR Macedonia доби барање за понуда за одржување на тренинг на тренери.

Затоа, ги повикуваме сите членови на заедницата кои имаат искуство со работа со слободен софтвер и кои досега се афирмирале како активни учесници во проектите кои биле спроведувани од страна на Слободен софтвер Македонија, да подготват понуда доколку се заинтересирани.

Потребен документ за изготвување на понудата е официјалниот Terms of Reference. Рокот за доставување во UNDP 28.09.2006 год.

Предлог понудите да се испратат до info-AT-slobodensoftver.org.mk најдоцна до 27.9.2006 год. Надлежниот орган на Слободен софтвер Македонија потоа ќе ја избере најдобрата понуда, ќе ја верификува со печат и ќе ја предаде во UNDP Македонија.

Слободен софтвер Македонија е поканета да учествува во проектот „Support to e-Governance initiatives based on Free/Open Source Software at the local level in FYR Macedonia“ поддржан од програмата за развој на Обединетите нации во Република Македонија (UNDP). Како наш придонес во подобра имплементација и развој на проектот, го спремивме овој документ кој ќе биде презентиран на одборот за советување кој е оформен како тело на проектот. Во тоа тело членуваат ЗЕЛС, Фондацијата Метаморфoзис и претставници на UNDP. Документот ќе биде презентиран на следниот состанок на ова тело. Слободен софтвер Македонија го објавува достапен за јавноста.

Препораки за работниот план на UNDP за проектот „Support to e-Governance initiatives based on Free/Open Source Software at the local level in FYR Macedonia“.

Софтверот на ФПИОМ ги игнорира заложбите на Националната стратегија за информатичко општество. Прашањата за независност од софтверска платформа и достапност за сите се игнорирани при изработката на клиентскиот софтвер за МППП.

Понудениот софтвер работи само под оперативните системи Microsoft Windows. Како таков, тој ги дискриминира обврзниците кои не користат такви оперативни системи на своите персонални компјутери.

Ова е во спротивност со Националната стратегија за информатичко општество, документ кој го усвои и Собранието на Р. Македонија, каде на повеќе места се споменува „независност од софтверска платформа“ и „достапност за сите“, а кои се однесуваат на услугите кои ќе ги нудат државните институции. Во стратегијата стои заложба за промовирање на слободен софтвер, која во овој случај исто така се заобиколува.

Повеќе на веб сајтот на Слободен софтвер Македонија.

SFD05 - Live from Motorola A925@Ramzes

На 10ти септември во целиот свет се оддржува денот на слободниот софтвер. Со почеток од 12.00 часот во градскиот парк на школка Слободен софтвер Македонија ќе дели CD-иња со Убунту Линукс и со Отвореното CD. Убунту Линукс е една од најпопуларните ГНУ/Линукс дистрибуции во моментов и претставува слободен оперативен систем кој што доаѓа со сите најпотребни апликации (Интернет прелистувач, клиент за е-пошта, плеери за музика и видео итн.). Отвореното CD е првиот чекор кон ослободување на Вашиот софтвер и ги содржи популарните слободни апликации за Виндоус како што се Оупенофис.орг, Мозила Фајрфокс, Мозила Тандрбрд, ГИМП итн.