Конечно СЛОБОДНИ (GNU) кирилични векторски фо

До сега најдобра варијанта за користење на кирилични ТrueТype фонтови под linux беше да се земат фонтовите од MS Windows. Нивната лиценца е рестриктивна и не дозволува нивно редистрибуирање во неоригиналната форма, а пред извесно време тие фонтови беа тргнати од сајтот на MS каде порано можеше да се download-ираат. Како алтернатива на нив за користење на СЛОБОДНИ кирилични фонтови беа http://www.mksoftver.org/index2.php?vidi=download/index.php#mkfont, но тие се битмапирани фонтови и не можат да се користат за печатење - единствено се добри за екрански приказ, но дел од нив (само некои од нив при одредени величини) ги немаа специфичните македонски букви како ѓ,ќ,ж,љ,њ бидејќи беа направени од русин. Исто така сите беа со мал дијапазон на величини, па ако имавте вклучено font scaling непостоечките величини имаа ужасен изглед. Друг не толку голем проблем е што ги немаше во 100dpi варијанта - за корисниците на големи екрански резолуции. На фтп локацијата ftp://ftp.gnome.ru/fonts/urw/ се наоѓаат нови векторски кирилични фонтови накалемени врз URW латиничните фонтови кои се дистрибуираат заедно со Ghostscript. Се работи за сет од фонтови со лик како најпотребните helvetica (arial), times (times new roman), courier (courier new) и плус некој додатни. Фонтовите се во постојан развој, а моменталната верзија (која јас ја испробав) е 1.0.7pre14. Во бинарна форма (ftp://ftp.gnome.ru/fonts/urw/release/) доаѓаат како TrueType, OpenType и Type1, а сорсевите се наоѓаат на ftp://ftp.gnome.ru/fonts/sources/. Фонтовите се со задоволителен квалитет. Ги тестирав преку xft и Xrender од XFree86 4.2.0, freetype 2.1.2 и GNOME 2.0.1 со GDK_USE_XFT=1. Недостаток е што фонтот кој е како замена за helvetica (arial) ги нема буквите Љ и Њ - на нивно место се наоѓаат Л и Н па задржана е читливоста, истиот фонт во OpenType варијанта имаше проблеми со подреденоста (буквите не беа како на линија наредени) - TrueTupe и Type1 варијантите го немаа тој проблем (можеби е до freetype библиотеката за растеризирање и нејзините рутини за OpenType или пак е до компајлерот со кој се направени), другите фонтови ги немаа горенаведените проблеми. Авторот пишува дека во финалната верзија на 1.0.7 ќе ги има сите кирилични букви (ќе се раши проблемот со Љ и Њ) и ќе бидат вклучени во дистрибуцијата на Ghostscript (www.ghostscript.org) штом поминат некои тестови, а тоа ќе овозможи нивно вклучување во сите linux дистрибуции во иднина (според мене не пред RedHat 8.1). ...и така ќе нема потреба од користење на НЕСЛОБОДНИ кирилични векторски фонтови под linux.