Отпакување и инсталирање на датотеки

Доколку не сте знаеле како се отпакуваат/инсталираат запакуваните датотеки под ГНУ/Линукс, ова упатсво детално ќе ви ги појасни работите. Кратко упатсво за тоа како да инсталирате софтвер под ГНУ/Линукс од изворни (source) пакети, RPM (RedHat пакетниот формат) и Apt-Get-от на Debian.

Gzipped/Bzipped Архиви
Декомпресирајте ги на следниов начин:


За *.tar.gz, *.tgz, *.z, *.Z, *.taz, *.tar.Z напиште го следново:


[user@linuxsystem]$ tar --zxf името_на_датотеката.tgz
или пак

[user@linuxsystem]$ gunzip името_на_датотеката.tgz


За *.bz, *.bz2, *.tbz, *.tbz2, *.bzip2 напишете го следново:


[user@linuxsystem]$ tar Itf името_на_датотеката.bz


README/INSTALL
Во папката каде што ќе го отпакувате пакетот побарајте README или пак INSTALL датотеката. Препорачливо е секогаш да ја читате поради тоа што содржи инструкции како да го инсталирате отпакуваниот софтвер. Секогаш барајте конфигурациона скрипта (./configure). Доколку ја најдете скриптата можете да ја извршите многу едноставно со следнава команда:


[user@linuxsystem]$ ./configure


Со извршувањето на "./configure" скриптата би требало да се создаде Makefile. Доколку имате само Makefile во папката можете да го извршите со командата make, која ќе ја искомпајлира датотеката. Во случај да има повеќе од еден Makefile како на пример, Make-DOS, Make-Amiga или пак Make-Linux треба да внесете: "make linux".


Грешки
Постојат повеќе од неколку работи кои што можат да тргнат наопаку при ./configure или при make процесот. Ако знаете малку C или C++ би можеле сами да ги поправите, ако не секогаш можете да му пратите мејл на авторот на софтверот.


RedHat's RPM (Redhat Package Manager)

Доколку системот ви користи RPM (пр. RedHat, Mandrake, SuSe, TurboLinux...) можете да инсталирате бинарни или изворни пакети со користење на rpm командата.


[user@linuxsystem]$ rpm -i името_на_датотеката.rpm


За отстранување на датотеката пак треба да користите:


[user@linuxsystem]$ rpm -e името_на_датотеката.rpm


Debian's APT-GET

Debian користи пакет менаџер наречен apt-get. Тој е многу подобар во снаоѓањето со зависностите од RPM.


За инсталирање на датотеки со apt-get ја извршувате следнава команда:


[user@linuxsystem]$ apt-get update - оваа команда се користи за ажурирање на пакетите кои што се наоѓаат на серверите за надграба на софтвер.

Потоа, во зависност од тоа што сакате да го направите можете да користите:

[user@linuxsystem]$ apt-get upgrade - за надградба на целиот систем.

или пак:

[user@linuxsystem]$ apt-get install името_на_пакетот - за инсталација на потребниот пакет