TTF фонтови во Linux (чекор по чекор)

Испратено од Иван во 29 Јуни, 2002 - 06:00.
::
Упатства

Голем број од Linux корисниците, особено оние неискусните имаат проблем со прегледување на вебстрани кои користат TTF фонтови (Verdana, Arial, Times New Roman...), едноставно поради тоа што немаат инсталирано TTF фонтови на својот Linux систем. Процесот на додавање на TTF фонтови е многу едноставен, меѓутоа поради недостаток на Linux упатства на македонски, голем број на Linux корисници овој процес го сметаат за комплициран. Во продолжение следи детално упатство за инсталација на TTF фонтови во Linux.

Најпрво, за да инсталирате TTF фонтови, потребно е да ги обезбедите истите. Најлесен начин да го сторите ова е да ги искористите TTF фонтовите од windows партицијата (доколку немате таква, ќе мора да најдете фонтови некаде на веб).


Значи, најпрвин правите mount на windows партицијата:


[user@linuxsystem]$ mkdir /mnt/win

[user@linuxsystem]$ mount /dev/hdaX /mnt/win -t vfat


при што X во /dev/hdaX го заменувате со редниот број на партицијата (најчесто 1)


Следен чекор е копирање на TTF фонтовите од windows/fonts директориумот на вашата Linux партиција (на пример во /usr/share/fonts/TTF):


[user@linuxsystem]$ mkdir /usr/share/fonts/TTF

[user@linuxsystem]$ cp /mnt/win/Windows/fonts/* /usr/share/fonts/TTF


Потоа треба да се креираат fonts.scale и fonts.dir датотеките:


[user@linuxsystem]$ cd /usr/share/fonts/TTF

[user@linuxsystem]$ ttmkfdir > fonts.scale

[user@linuxsystem]$ mkfontdir


За крај, додадете го директориумот со TTF фонтови во патеката на xfs:


[user@linuxsystem]$ chkfontpath --add=/usr/share/fonts/TTF


Напомена: доколку не користите xfs, ќе треба патеката на директориумот да ја додадете во /etc/X11/XF86Config-4, со додавање на линијата: FontPath "/usr/share/fonts/TTF"


Рестартирајте го xfs:


[user@linuxsystem]$ /etc/init.d/xfs restart


Конечно, рестартирајте го X серверот и завршивте со процедурата на додавање на TTF фонтови.
Вашите омилени апликации одсега ќе можат да ги користат новите TTF фонтови.

Опции за преглед на коментарите

Изберете го посакуваниот начин за прикажување на коментарите и кликнете „Зачувај поставувања“ за да ги активирате Вашите промени.
Re: TTF фонтови во Linux (чекор по чекор)
Испратено од Златко во 30 Јуни, 2002 - 13:54.
Со новата fontconfig библиотека ќе се решат сите проблеми бидејќи ќе претставува централно место за конфигурација на фонтовите. Но тука не е местото да пишувам поопширно, па затоа заинтересираните нека го посетат: http://www.xfree86.org/~keithp/talks/guadec2002/ Најверојатно RedHat 8.0 ќе ја користи нашироко.
Re: TTF фонтови во Linux (чекор по чекор)
Испратено од janeku во 30 Јули, 2002 - 09:53.
Mene ne mi pojde od raka: na naredbite ttmkfdir>fonts.scale mi javuva Aborted, za da potoa na mkfontdir napravi fajl so golemina od 0 bajti. Inaku ja pratev procedurata. Isto taka i vo XF86Config-4 fajlot KADE treba tocno da se stavi FontPath linijata ? Dali vo ista linija so ona "unix/:700" ili vo nov red i kako ??? Zatoa sto nikako da gi sredam :((((
Re: TTF фонтови во Linux (чекор по чекор)
Испратено од Riste Pejov во 18 Септември, 2003 - 13:13.
Во врска со последниот коментар, околу Unix:7000 линијата во XF86Config, малку да разјасниме. Доколку во вашиот Х конфиг фајл, се наоѓа таква линија, тогаш дефинитивно го користите xft серверот за фонтови. Фонтконфиг, што ја спомна златко, се користи само за новите Гном2 апликации, постарите ГТК1 и Гном1 апликации сеуште го користат xft. Иначе за гном2 доволно е само да се ископираат фонтовите во ~/.fonts директориумот и Гном2 одма ги гледа. Уште една само мала забелешка, поновите верзии на xft идат во пакет со Х серверот, и chkfontpath е дислоциран во /usr/sbin/chkfontpath. Значи доколку при обид да ја додадете фонт патеката, нешто не ви оди од рака, тогаш наведете ја целосната патека на оваа алатка. Кога сме веќе кај фонтконфиг, реков дека може само фонтовите да се ископираат во ~/.fonts, доколку сакате фонтовите да ви стојат на едно место а да бидат достапни за сите корисници, а можеби и за Х фонт серверот во исто време, ќе треба само таа патека да си ја додадете во /etc/fonts/fonts.conf. Сигурен сум дека негде постои и алатка за графичка конфигурација ... но сепак .....